敗家 - 行山用品

昨天相約朋友到石門試試新酒店的自助午餐,
同日protrek在石門的貨倉開倉大減價,
食完後, 便行過一條街去掃貨。

樓下入口處有個大大的臨時指示牌,

上到23樓, 嘩很長龍, 不過既然來到,
有朋友一齊, 即管試試等,
一邊傾一邊等, 唔覺唔覺, 等咗1小時,
人多無冷氣, 只有幾座牛角扇,
長髮姑娘即刻盤起秀髮,
從手袋拿出原子筆來當髮簪, 好清涼。

可以入場啦, 全部手袋留下,
只可帶銀包,電話及貴重物品入場,
全部放入會場提供的袋內,
靚芒抽起袋中袋,
可以唔使用會場的袋,
但是要加小索帶, 扣實拉鍊,
保安真嚴謹。

等咗一個鐘, 見有嘢啱,
咁就要行番夠本,
在倉內留咗1個鐘有多。
睇下買咗咩,
薄褸, 好似係防UV,

可以摺起收入衫袋內, 很細小, 放手袋唔阻地方。

行山褲, 啱碼的只有湖水藍,

還有買了背包, 行山鞋及行山棍。

4,5個人買嘢, 全張單12件, 共千尾,
靚芒佔了5件, 共千頭, 大戶。
貨品全部最少都半價, 抵買。

開倉好似去到呢個周未。

大部份都係VAUDE,
原來係行山界中名牌,
折咗都幾百。